- 39 -

1343. Februar 2.

In nomine domini amen. Ne facta legitime prout plerumque solet contingere in dubium veniant vel obscurum, necessario ea que aguntur ut eciam ad noticiam futurorum venire valeant, litterarum apicibus et sciencia testium fulciuntur. Noverint igitur universi et singuli presentes et posteri, hanc paginam inspecturi seu audituri, Quod nos Nicolaus dei gracia Oppauiensis et Rathiboriensis Terrarum dux de libero nostre voluntatis arbitrio et eciam prehabita matura et sana deliberacione et nostrorum fidelium consilio ad hoc accedente Totum dominium nostrum ducale cum universis et singulis iuribus, utilitatibus ac proventibus suis ducalibus et pertinenciis in quibuscumque consistunt, in tota villa ac hereditate Benkowicz vulgariter nuncupata in districtu Rathiboriensi manente situata, Et eciam viginti Mansos et dimidium solventes seu censuales in eadem villa ac hereditate iacentes, cum hominibus cumque universis et singulis suis utilitatibus, proventibus et pertinencijs, Juribus, cum silva, pratis, fluvio Psina vulgariter dicto, Rubetis, venacionibus, aucupacionibus, piscacionibus, metis, terminis, limitibus ex antiquo limitatis et distinctis ad eosdem Mansos spectantibus, et prout ad nos pronunc et ad proprietatem nostram et ad ius nostrum ac ad nostros heredes iure successionis omnia prenominata noscuntur post dominum Lestkonem quondam ducem Rathiboriensem sororium nostrum pertinere Conventui virginum sanctimonialium sub voto et professione ordinis sancti Dominici in civitate Rathibor in Monasterio sancti Spiritus, beate Marie semper virginis ac beati Johannis apostoli et ewangeliste Cristo famulancium, vendidimus pro ducentis et viginti Marcis grossorum Pragensium Polonicalis numeri et pagamenti, quadraginta et octo grossos pro qualibet Marca computando, nobis integre et plenarie ex parte eiusdem Conventus virginum sanctimonialium ac monasterij ipsarum predicti iam solutis, liberaliter resignavimus, Sic quod predictum dominium nostrum ducale cum omnibus et singulis suis predictis in tota prenominata villa, ac eciam superius nominati viginti Mansi et dimidius cum omnibus predictis et sufficienter superius expressis, debent exnunc in perpetuum ad prefatum conventum virginum sanctimonialium nomine dicti Monasterij ipsarum iure hereditario et tytulo proprietatis pertinere pacifice et quiete cum universis supradictis, Sicud olim ad dictum dominum Lestkonem ducemn Rathiboriensem Sororium nostrum, et deinde ad nos et heredes nostros pertinuisse dinoscuntur. Renunciamus eciam pro nobis et nostris omnibus Omni Juri, accionj. mpeticionj seu repeticionj et legis auxilio, que nobis aut nostris in premissis, scilicet in dominio et Mansis aut in aliqua parte omnium premissorum pronunc competunt aut competere possent quomodolibet in futurum, volentes ac specialiter donantes predicto conventuj virginum sanctimonialium nomine predicti Monasterij ipsarum, ut nullus ministerialis aut Judex provincialis vel alter Judex noster quicumque per se aut nuncios suos quemquam pignorare aut aliquam Jurisdicionem debeat in superius nominata villa ac hereditate exercere; Sed si que persone aut res in prefata villa ac hereditate capte, detente aut quomodolibet arestate fuerint, tam in maioribus causis ut est pena capitis, quam in minoribus quibuscumque, persone aut res huiusmodi ibidem per procuratorem aut officialem sepefati conventus virginum sanctimonialium dicti Monasterij Juris ordine iudicarj debeant, et sentencie execucionj debite demandari, nobis vel iudicibus aliis quibuslibet minime requisitis. Preterea volumus ut dumcumque nos seu nostri legitimj Successores collectas, contribuciones, exacciones, Bernas et qualescumque soluciones et quocumque vocentur nomine posuerimus super terram Rathiboriensem et mandaverimus nobis dari, easdem ac eodem modo sepefatus conventus virginum sanctimonialium nomine prefati sui Monasterij, recipere debet et tollere nemine penitus super eo requisito. Eciam predicto conventui virginum sanctimonialium specialiter damus et donamus quod si aliquis heres aut heredes prenominate ville Benkowicz sua bona vendere voluerit, vel voluerint, huiusmodi bona sepedictus conventus virginum sanctimonialium nomine sui Monasterij superius nominati debet emerc pre omnibus aliis ad ius et proprietatem suam nullo penitus refragante. Ut autem hec omnia et singula robur obtineant perpetue firmitatis, presentem litteram conscribi et nostrorum appensione Sigillorum maioris et minoris mandavimus communiri. Actum et datum in Castro Rathiboriensi Anno domini Millesimo Trecentesimo Quadragesimo tercio in Purificacione virginis gloriose, Presentibus hiis Testibus, Heyncone de Lubsicz, Cunado Stoschowicz, Wolframo de Frankenberg, Henrico Hoberg, Petro Rasycza Judice castri Rathiboriensis, Wernhero de Barutzferd, Lexa Wlodario castri Rathiboriensis, domino Henrico plebano de Warswirz, et aliis quam pluribus fide dingnis.

Nach 3 Originalen, von denen 1 kalligraphisch verziert, 2 mit stattlicher grosser Schrift, 3 mit einfacher und gewohnlicher geschrieben ist. An jedem hangt das Reitersiegel mit Rucksiegel, an 2 und 3 an rother Seide, an 1. an einer Schnur von violetter und rother Seide.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.